Кинилэр ааттара кемус буукубанан суруллуохтаах…
Бугун кэпсиир дьоруойум *Катакинов Кирилл Михайлович* - А5а дойду Улуу сэриитин кыттыылаа5а, о5олоро, сиэннэрэ кини туьунан кэпсииллэрин истиэххэйиц: "биьиги а5абыт 1919 сыллаахха Ала5ар нэьилиэгэр тереебутэ. 1940 сыл.Ала5ар 7 кылаастаах оскуолатын бутэрбитэ. "Чаачыгый" колхозка араас улэлэргэ улэлээбитэ.
1942 сыл.Кеьеруллуугэ Кэбээйигэ "Куокуй" нэьилиэгэр балык бултааьыныгар сылдьыбыта. Бастаан утаа сатаабат этибит, онтон буьан-хатан, эрэй-кыьал5а уерэтэн сатыыр буолбуппут, аны былааны аьары толорор этибит диэн кэпсиирэ.
1943 сыл. Кыьыл Армия кэккэтигэр Кэбээйиттэн ыцырыллыбыт. Байыаннай бэлэмнэниини Чита куоракка барбыта уонна бу бэлэмнэниигэ пулеметчик уерэ5эр уерэммитэ.
Саллаат оло5ун усулуобуйата сэриини билбэт дьоццо ыарахаттардаах: нууччалыы билии-кэпсэтии мелтех, аспыт да атына, тереебут дойдуттан туох да сурах-садьык иьиллибэт. Тереебут дойдутун иьин Анда5ары Чита куоракка биэрбитэ уонна чиэстээхтик толорбут.
Сэрии тугэниттэн ордук хараастыылаа5а немецтэр ылбыт сирдэригэр, дэриэбинэлэргэ оьох турбалара эрэ хороьон тураллара, дьон елуутэ, тула барыта урусхал. 1944 сыл. Олунньу 18 кунугэр ыараханнык бааьырбытын санитардар булан быыьаабыттарын, Госпитальга сытыаран ер кэмцэ кыьаллан эмтээбиттэрин, уруц тыынын еллейдеебуттэригэр махтанара, бииргэ сылдьар нуучча дьоно харса суохтарын, хайа да тугэццэ санааларын туьэрбэттэрин, булугас ейдерун туьунан хай5ыыра, кэпсиирэ. А5абыт Хотугулуу-ар5ааццы фроцца 311-ис стрелковай полка5а ручной пулеметчигынан сылдьыбыт. Ленинград таьыттан Новгороды, Старай Руссаны босхолооьуцца кыттыбыт.
Кыайыы кунун Уралга заводка билиэннэй ньиэмэстэри харабыллыыр сулууспа5а сылдьан керсубут. Киров куоракка Госпитальга сыппытын кэннэ сэриилэьэр Аармыйаттан босхолообуттар. Дойдутугар 1946 сыл. кэлбитэ.
Сэрии кэнниттэн Чурапчы оройуонун "Пиэрибэй Маай" холкуоьугар араас улэлэргэ улэлээн элбэх хай5ал тылларын истибитэ. 1965 сыл. Оскуола-Интэрнээккэ котельнайга пенсия5а тахсыар диэри улэлээбитэ, оскуола5а Бочуот кинигэтигэр киллэриллибитэ. Ийэбитин, эбээбитин Катакинова Елена Никифоровналыын 6 о5о амарах эбээлэрэ уонна эьээлэрэ буолаллар. Кинилэр биьигини улэни таптыырга, улэттэн эрэ дьоллонорго уерэппиттэрэ.
Биьиги а5абытын, эьээбитин А5а дойду сэриитин 1-степеннээх уордьана, "За Победу над Германией"в Великой Отечественной войне 1941-1945гг.мэдээлэ, Жуков Мэдээлэ, "Улэ ветерана" мэдээлэ уонна угус ахсааннаах убулуейунэй мэдээллэр уонна Грамоталар кини хорсун-эрдээх, бойобуой туеьун киэргэтэллэр. Кини аатын кырачаан сиэннэрэ салгыыллар, аатын ааттаталлар".
Дьиэ кэргэнэ
Табаарыстарын кытта
Со5уруу куоракка куулэйдии сылдьан
Ахтыыны суруйда сиэнэ Устинова Надежда Алексеевна.