Интэрнээккэ — Улуу Комсомол 105-сааһын бэлиэтээһин.
Төһө да сыл-хонук аастар пионерга, Комсомолга киирбиппитин бу баардыы өйдүүбүн...анал зачет ылан боппуруостарга эппиэттээн тиритии-хорутуу бөҕө буолара. Ол Комсомолбут тэриллибитэ номнуо 105-сааһын туолбут. Сыл-хонук. Интэрнээт оскуолаҕа Спорт уонна Физкультура Судаарыстыбаннай Институтын 1-курс СПО ФК-25 студеннарыгар оччотооҕу Райкомол секретарыгар Инструкторынан үлэлээбит Комсомол,Партия госслужба, Үлэ ветерана Федулова Христина Петровна ыалдьыттаата. Кини Комсомол хайа күнтэн саҕаланыаҕыттан бастаан ханнык ыараханнары көрсүбүтүн, ол эрээри эдэркээн уолаттар, кыргыттар олохторун толук ууран туран Комсомол диэн аат үөскээбитин дириҥник хорутан кэпсээтэ. Студеннар хаартыскалартан көрөн кинилэр саастыы эдэркээн оҕолор Комсомол туһа кимиэллээхтик киирсибиттэрин сөхтүлэр. Салгыы Христина Петровна Комсомол 6 Килбиэннээх орденын ханна,хаһан ылбытын сиһилии кэпсээбитин сэргээн иһиттилэр. Дьэ Албан ааттаах Комсомол туох иһин орденнары ылбытай?1928 сыл — «КыҺыл Знамя ордена»(Гражданскай сэриигэ уһулуччу үтүөлэрин иһин);
1931 сыл — «Үлэ Кыһыл Знамята ордена»(Социал.күрэхтэһии кыайыылаахтара);
1945 сыл — «Ленин ордена»(Аҕа дойдуну көмүскүүргэ үтүөлэрин иһин);
1948 сыл — «Ленин ордена»(Эдэр көлүөнэни коммунистическай иитиигэ үтүөлэрин иһин);
1956 сыл — «Ленин ордена»(советскэй ыччат социал.тутууга кылаатын иһин);
1968 сыл — «Өктөөбүрүскэй Революция ордена»(комсомолецтар Сэбиэскэй былаас атаҕар туруутугар хорсуннук сэриилэспиттэрин иһин). Түмүккэ комсомол оччотооҕу чаҕылхай комсомолеһа, билигин да төлөннөөх коммунист Христина Петровна студеннарга туһаайан аныгы үйэҕэ үөрэхтээх-билиилээх эрэ дьон Ийэ дойдуга туһалаах буолан тахсалларыгар ис баҕа санаатын эттэ. Түмүккэ үтүө түгэни хаартыскаҕа үйэтиттибит.
