Оскуола Интэрнээккэ буоларын курдук Сааскы маҥнайгы бырааһынньык - Аан дойду дьахталларын күнэ өрө көтөҕүллэн бэркэ ааста. Көрсүспэтэх ыраатан сэһэн-сэппэн, күө-дьаа кэпсэтэн, онуоха Көмүлүөк оһохпут кытта үөрэн сырдыы-сыдьаайа турда. Түөлбэ олоҕун-дьаһаҕын урут уруккуттан билэр олохтоохтору кытта элбэхтик алтыспыт Саха Республикатын үтүөлээх учуутала, "Учууталлар учууталлара"бэлиэ хаһаайката Винокурова Людмила Михайловна уонна кэргэнэ Михаил Георгиевичтыын: "киһи сааһыра бардаҕына куруук эдэр сааһын саныыр онон кыргыттар иллээхтик-эйэлээхтик доруобайдык сылдьан оҕолорго, сиэннэргэ күүс-көмө буолуоҕун"диэн эппиттэрин бары биир киһи курдук илиибитин таһынныбыт. Михаил Георгиевич биир дойдулаахпыт поэтесса Мария Михайлова "Чурапчы чараҥын"хайдах курдук итэҕэтиилээхтик толорбутун истэн,хайдах курдук иэйиилээҕин, нарынын сөҕөҕүн эрэ. Хоһоон тыллара бэрт борустуойдар эбээт, ол гынан мелодистка Светлана Константинова ырыа гынан көтүппүтэ бу үчүгэйин. Махтаныахха эрэ сөп. Дьоһун саастаах кыргыттар биир биир туран үтүө баҕа санааларын, кэскиллэрбит оҕолорбут үөрүүлэрин үксэтэн өссө да эдэрдии эрчиминэн олоруохха диэн буолла.
Түмүккэ "Эдьиийгэ,дьүөгэҕэ,ыалгар"диэн сэмэй подароктаһыы түгэнэ тосхойдо. Бары үөрэн-көтөн анаммыт киһибитигэр туттаран үөрүү үксээтэ. Эрчимнээх да ырыа ылланна, сэһэн-сэппэн да тэнийдэ. Бүгүҥҥү түгэни хаартыскаҕа түһэн үйэтиттибит.
