Буоларын курдук Алтынньы 1 күнэ "Аҕам саастаахтар күннэрэ" Интэринээт оскуолаҕа бэрт сэргэхтик ааста. Сайыны быһа көрсүбэтэх доҕоттору көрсүү дьэ манна буолла, сэһэн сэппэн ыраатта. Саха Өрөспүүбүлүкэтин үөрэҕириитин туйгуна Учууталлар учууталлара Винокурова Л.М.,кэргэнэ Степанов М.Г.эдэр дьоҥҥо туьаайан доруобуйаны, ситиьиини баҕаран тыл эттилэр, онтон Михаил Георгиевич сөҥ суон куолаһынан ыллаан барыбытын долгутта. Аҕам саастаахтарбыт бары даҕаны үтүөкэн сайын-күһүн ааһан эрэрин, онуоха ыал аайы Президент укааһынан “Тыа сирин- Газтааһын"боппуруоһугар туттумахтаһан үлэлээбиттэрин-хамсаабыттарын, эмиэ да кыралаан сир астаабыттарын, оҕолорун,сиэннэрин ситиһиилэриттэн сэмээр үөрэллэрин сэһэргээтилэр. Саха Өрөспүүбүлүкэтин культуратын туйгуна Чепалова Е.В. ансамблын кыргыттара Коркина К.И.,Габышева И.В.,Васильева А.П. А.Филиппов «Чурапчы»диэн ырыата чахчы Чурапчыттан силис тарпыт буоллаххына төрөөбүт дойдунан киэҥ туттан туран биир тыынынан ыллаан чахчы да сөхтөрдүлэр.
Түмүккэ Биктэриинэҕэ оонньоон бары да илин-кэлин түсүһэн түмүгэр кыайыылаахтар сэмэй бирииһинэн наҕараадаланнылар. Кэлэр өртүгэр сыллааҕы взнос хомуйан өссө былааннаахтык үлэлиир сорук ылынан тарҕастыбыт.
