Самаан сайын кэлэрэ чугаһаан кэрэ аҥаардар рассаадаларын көрөн-истэн, күн солото суох түбүгүрэллэр. Ол курдук Интэрнээппитигэр кэрэни дьүөрэлии тутан, күннээҕи олохпутун киэргэтэр биир санаалаахтар Сибэкки бырааһынньыгар муһуннулар. Бэйэбит олохтоох кыыспыт Пришкольнай учаастагы үлэлэтэр Саввина Виктория Васильевна дьүөгэ кыргыттарын кытта үүннэрбит араас кэрэчээн сибэккилэрин, оҕуруот аһын үүнээйилэрин ама ким көрөн үөрбэт,дууһата долгуйбат буолуой?Улуус биир биллэр оҕуруотчута "сибэкки туһа диэн муннукка ытаабыт"Сухаринова Розалия Терентьевна буоларын курдук өлгөм баай рассадаларынан сөхтөрдө манна туох туох суоҕуй?клубника араас көрүҥэ,кырачаан Виолалар,Львиный зевс, смесь Левкой,Тайдал көрүҥэ,Тайҕа помидор уо.д.а. Онтон Сибэкки араас көрүҥүнэн утумнаахтык дьарыгырар Степанова Ньургуйаана Ивановна сибэкки үүннэрээччилэр болҕомтолорун тардыан тардар. Куруук киниттэн кэлэн салгыы рассадаларын туох иһиккэ көһөрөн,көрөргө-истэргэ үөрэнэллэр,сүбэ-ама ылаллар. Мурун-Тыымпыйа олохтооҕо, эдэр сааһыттан оҕуруотунан күүскэ дьарыктанар Пудова Валентина Афанасьевна буоларын курдук комнатнай сибэккилэрэ арааһынан, элбэҕинэн сөхтөрдө.
Маны таһынан сааскы оҕуруот түбүгэр баттата сылдьар кэрэ аҥаардар табаар көрө-сыымайдыы барар сололоро суох буолааччы, онно куруук табаар араас көрүҥүн утары уунааччы атыыһыт үтүөтэ Васильева Мотрена Николаевна буоларын курдук кэрэ аҥаардар,эр дьоннор сайыҥҥы-күһүҥҥү кэмҥэ туох табаарга наадыйалларынан хото тардан атыылыыр үтүө үгэстээх. Урукку Кулинария тарбахха баттанар асчыта Попова Мария Дмитриевна "Оҕо саас амтана"пирожнайа, "Шарлотта"туортара хаһаайыттарын буллулар.
Уйгулаах сайыммыт үүннэ👍🏻👍🏻👍🏻түөрт өттүттэн тулааһыннаммыт баай-байылыат тиэргэннээх, үтүөкэн сайын буолуохтун🙌🏼🙌🏼🙌🏼🌱🌷🌸🌺🌻
