Саха Далбар Хотуна — Ольга Петровна Кузьмина
Саамал сайын үгэннээн турдаҕына, ырыа-тойук аргыстаах ымыы чыычаахтарбыт күн көйгүөрүн түһэрэн Орто дойдуга сайын кэлбитин биллэрдилэр, барыта тулабытыгар тиллии-тупсуу музыкатын түһэрдилэр. Дьэ маннык үтүөкэн кэрэ кэмҥэ кыыс оҕо кылааннааҕа Ольга Петровна Орто туруу бараан дойдуга Сир Ийэни симээри, кэрэтиттэн бэрсээри күөх окко бэбээрэ түспүтэ эбитэ үһү. Кини элбэх оҕо Ийэтэ, элбэх оҕо хос-хос Эбээтэ буолар. Сахалыы уус-уран литератураны көтүппэккэ ааҕар биир бастыҥ ааҕааччым буолар. Араас хаһыаттан быһа тардыылары мунньан, оҕолорум, сиэннэрим кэнники ааҕыахтара диэн түмэр үтүө үгэстээх. Кини борустуой үлэттэн саҕалаан, саллар сааһын тухары салайар үлэҕэ мискиллэн кыһыны быһа дьүөгэ кыргыттарын, подругаларын ахтан-суохтаан(кыһынын куоракка кыстыыр)кэпсэтээри бу күннэргэ Ытык 84 сааһын бэлиэтиир дьоро киэһэҕэ муһуннубут. Сорох ыалдьыттара (биллэр биричиинэнэн)Улууска Олоҥхо ыһыаҕар бардаллар кинини ытыктыырбытын-убаастыырбытын биллэрэн бэйэбитигэр хоп курдук бэлиэтээтибит. Истиҥник саныыр чугас дьүөгэлэрэ бары Ольга Петровна хайдахтаах курдук сэбиэскэй кэмҥэ биир дьахтар үлэлиир үлэтин үлэлээн, онтон ырыынак сыһыаннаһыытыгар киирэн баран олохтоох түөлбэтэ чэчирии сайдарын туһугар сыраласпытын, салгыы бу дьиикэй ырыынак үйэтигэр кэлэн Аҕам саастаах кырдьаҕастарыгар анаан «Прожить комфортно» диэн дьаһал чэрчитинэн кырдьаҕас-кыаммат дьоннорго анаан Благоустроеннай дьиэ тутуутун туруорса сылдьарын сыаналаатылар, түбүктээх-сыралаах үлэтигэр үтүө түмүгү, чэгиэн, чөл туругу баҕардылар. Саха Өрөспүүбүлүкэтин Потребобщество туйгунун, Үлэ бэтэрээнин, Саха биир Далбар Хотунун Ольга Петровна бу сылларга сыраласпыт сырата таах хаалбакка эдэрдэр салгыы ылсаллара буоллар диэн баҕа санаатын тиэртэ. Сиэн кыргыттар ымыы чыычаах курдук ырып-чырып ырыаларынан мустубут дьон сүрэҕин сүүйдүлэр. Түмүккэ ылбаҕай ырыа да ылланна, хомоҕой хоһоон да хоһуйулунна.