Оскуола Интэрнээккэ — Космонавтика күнэ.
Бу ааспыт субуотаҕа Оскуолабытыгар Космонавтика күнүн бэлиэтээтибит. Ол курдук 6б (сал.Оконешникова А.А.,тьютор Марков А.Н.) Юрий Алексеевич Гагарин 1934 сыл кулун тутар 9 күнүгэр Клушино дэриэбинэҕэ Гжатскай оройуоҥҥа Смоленщинаҕа төрөөбүтүн бэркэ сэргээтилэр. 4 оҕолоох дьиэ кэргэҥҥэ 3 оҕонон күн сирин көрбүт. Оҕо оҕо курдук сүрдээх боростуой, дьоҥҥо аһагас үтүө майгылаах эбит. Сэрии кэнниттэн Летчиктар Байыаннай училищеларын, онтон 122-истребительнай авиационнай дивизияҕа сулууспалаабыт. Космоска көтөрүгэр авиаконструктор Сергей Павлович Королев улахан үтүөлээх. Ол эрээри космос киэҥ далайын чинчиттэрэ аан бастаан Белка уонна Стрелка диэн ааттаах ыттар көппүттэрин, этэҥҥэ сиргэ төннөн кэлэннэр салгыы үлэ барбытын, авиаконструктор Сергей Павлович Юрий Алексеевиһы элбэх дьарыгы ааспытын, көтөргө 100% бэлэмнээҕин толору дакаастаан «Восток»хараабылга олордон Сир шарын 108 мүнүүтэ устата эргийбитин оҕолор болҕойон иһиттилэр. Бу муус устар 12 күнэ 1961 сыл этэ киһи аан бастаан Космоска көтүүтэ. Уруок бүтүүтэ Ыттар космоска тахсан тугунан аһыы сии сылдьыбыттарыгар тиийэ араас боппуруостары биэрдилэр, сөптөөх хоруйу ылан астыннылар. Түгэни хаартыскаҕа түһэн үйэтиттибит.