«Таабырыннаах тохсунньу»
бу курдук ааттаах Интэринээт оскуола оҕолоругар Таҥха туһунан өйдөбүл сылын аайы ыытыллан бэрт сэргэх дьаһал буолан ааста. Кырдьыга даҕаны саамай кылгас күннэргэ көтөр-сүүрэр эмиэ утуйар турукка киирэр кэмигэр буолара ордук тоҕоостоох эбит. Олохтоох библиотекарь Окорокова О.М. - "бу кэмҥэ өй-санаа түгэҕэр бүгэ сылдьар сэрэйии таайыы уһуктар. Киһи ордук бу кэмҥэ сэрэнэр, дьаарханар. Тохсунньу 11 күнүгэр оһох оттооччулар тахсаллар, онтон 13үс түүнүгэр кырдьаҕастар тахсаллар 19-ка киирэллэр. Дьиэҕэ, хотоҥҥо киирбэтин диэн ааҥҥа,түннүккэ тымтыгынан кириэс саайаллара, ардыгар хотоҥҥо да саайаллар эбит. Сууйуллубут таҥаһы таһырдьа ыйаабаттар. Киһи кута барсар диэн Таҥха кэмигэр мээнэ айдаан суох буолуохтаах.
Өбүгэлэрбит эрдэ мас, туос иһиттээхтэрин билэбит. Нуучча кэлбитин кэннэ Таҥха көрүҥэ уларыйбыт ол курдук: бүлүүһэ сүүрүүтэ, хаартынан сэрэбиэйдээһин уо.д.а." -бу курдук Таҥха туһунан өйдөбүлү Октябрина Михайловна барытын сиһилии кэпсээтэ, ырытта.
"Ыра-ытыска, төлкө-түөскэ" дииллэрэ өбүгэлэрбит биһиги сахалар бу сирдээҕи олоххо бастатан туран дьылҕаҕа бас бэриммэккэ, сүүрүк хоту устубакка,үтүө ыранан сирдэтинэн олох дьолун уһаныахтаахпыт диэн бу тэрээһиммитин түмүктээтибит.
