Эрдэ биллэриллибитин курдук быйылгы Культура уонна Норуоттар доҕордоһууларын сылынан Коллекционердар истэригэр араас омуктар буолан киирэн таҥастарын көмүскээн, астарын астаан, оонньууларын оонньотор сорук турбута. Дьэ бииртэн бииртэн араас, кэрэ омуктар бэрэстэбиитэллэрэ киирэн истилэр ол курдук нарын намчы Кытай, Һээдьэ ырыалаах Эбэҥки, Юкагирка, Саха маанылаах Далбар Хотуттара, Казачка, күннээх Кавказ кыыһа Туркменка, суһумнуу кыыһар Узбечка, аатырар Кэриэй омук уонна 368 сыл Эн-мин дэһэн бииргэ олорбут Нуучча норуотун кыыһа. Салгыы омуктарын таҥаһын хайдах тиктибиттэрин туох моһуогу көрсүбүттэригэр тиийэ сиһилии кэпсээтилэр. Аны омуктарбыт туох аһы астаан аҕалбыттарын көрдүбүт, туох суоҕуй?манна баар казахтыы Бишмармак, сахалыы Хаан, нуучча Пельменэ, эбэҥкилии Пирог, кэриэйдии Салаат уонна Чан-джак бүлүүдэтэ, Гедзе, уонна сахалыы дьэдьэн булкаастаах Күөрчэх(миэстэтигэр тута оҥоһуллан киэҥ сэҥээриини ылла)уо.д а. 2 киһиттэн састааптаах жюри үлэлээтэ.
Элбэх дьүүллэһии, ырытыһыы кэнниттэн таҥаска «Бастыҥ иистэнньэҥ" номинацияҕа Нуучча омугун чаҕылхайдык арыйбыт Дьячковская Марфа Николаевна, ас астааһыныгар"Бастыҥ асчыт" номинация Захарова Надежда Николаевна тигистилэр. Оонньууга киирдэххэ араас остуол оонньуутун, хамсаныылаах да оонньуулары оонньоон Коллекционердарбыт эдэр саастарыгар түһэн ыллылар.
"Чэйиҥ, чэйдэ иһиэҕиҥ"түһүмэххэ сылаастык-сымнаҕастык олорон эрэ 2026 сылга сылгыы өссө туох мероприятиялар баалларын торумнаатылар.
Түгэнинэн туһанан Чурапчытааҕы государственнай Спорт Института утары кэлэн көмөлөһөр үтүө үгэстээх, онтун өссө төгүл дакаастаан араас омуктар куукулаларын уларсыбытыгар улахан МАХТАЛ тэрээһиммитин чаҕылхай тыыннаата, ураты Махтал Сылабаардары уларсыбыт түөлбэбит мааны, Далбар Хотуттарыгар Кузьмина Ольга Петровнаҕа, Алексеева Прасковья Ивановнаҕа куруутун бу курдук Олох үөһүгэр буолуҥ🙌🏼🙌🏼🙌🏼✊✊✊
