Бу олорор олохпут хайдахтаах курдук сыананан ситиһиллибитин эдэр ыччат үчүгэйдик билбэт, ол иһин араас кылаас чаастара, төгүрүк остуоллар, диспуттар ыытыллаллар. Оскуола-Интэрнээккэ үгэс быһыытынан сылын аайы ыытыллар “Улуу Кыайыы бырааһынньыгын"сэмэйдик бэлиэтээтибит. Остуол тула олорон Сэрии сылларын оҕолорун, тулаайахтарын Ахтыыларыгар аны маннык иэдээн хаһан да буолбатыгар, куруук оҕолорбут, сиэннэрбит Эйэлээх халлаан анныгар күлэ-үөрэ, үлэлии-хамсыы сылдьалларыгар баҕа санааларын эттилэр. Ааспыты ахтыһан бэрт уһуннук истиҥник кэпсэттилэр. Түмүккэ "Айар"кинигэ кыһата "Кыайыы"диэн ааттаах Лото-оонньууну таһаарбытын бэркэ сэргээн оонньоон ыллылар. Оскуола саастан билэр партизаннарбыт Валя Котик, Марат Казей, комсомолка Зина Портнова хайдахтаах курдук дьоруойдуу быһыыны оҥорон Советскай Сойуус Дьоруойун үрдүк аата иҥэриллибитин өссө төгүл сөхтүбүт-сүгүрүйдүбүт!Cуох буоллун сэрии, туругур Эйэ, Эйэ!!! Салгыы Лотобутун биһирээн кырачаан дьоннорбутугар Оскуола оҕолоругар оонньото биэрдибит👍🏻👍🏻👍🏻
